Is there for brazen treacherie
Licks Yankee bums an aa that?
And does he think we'll pass him by
And no let on we saw that?
For aa that an aa that,
Yer Eton tie an aa that
Ye'll get to know before ye're through
We're no sae saft as aa that.
What though on fish and chips we dine,
Hae chips for tea an aa lad,
There's one wee thing we aa ken fine
And treason's what we caa that.
For aa that an aa that,
Yer Oxford brogue an aa that,
Yer place is in the wee dry dock -
An it's no the Broomielaw lad!
Ye see yon Yankee act the lord,
Perpetual-motion jaw lad?
Tho traitors worship at his word
He's Scotland's monkey-paw lad.
For aa that an aa that
His bubble-gum an aa that
We'll stuff Polaris doun his gab -
By Christ then lat him chaw that!
Nae laggards, when the game comes up
We'll aa be on the baa lad;
We'll stuff them wi their Proteus,
Their wee tin boats an aa that.
For aa that an aa that
Their dollar bills an aa that,
Frae John o Groat tae Cheviot -
They'll wish they never saw that!
Then let us say - for we'll no pray -
There's nae time left for aa that -
Get crackin Yank, get on yer tank,
Gang hame tae Arkansaw, lad!
For aa that an aa that
We'll mak it intae law that
Where Scotland's stood a thousand years
She'll stand for good an aa lad!
[ Shorter poems contents page ]
©Renate Mitchell. May not be reproduced in any form online or offline without explicit written permission.